Batys Qazaqstanda gaz baǵasy qymbattady

ORAL. QazAqparat – Batys Qazaqstan oblysynda gaz baǵasy qymbattady, dep habarlaıdy QazAqparat tilshisi.

«QazTransGaz Aımaq» AQ Batys Qazaqstan óndiristik fılıalynan málim etkenindeı, bıylǵy 1 shildeden bastap qosymsha qun salyǵyn qosa eseptegende, 1 tekshe metr úshin taýarly gazdyń baǵasy turǵyndar úshin 20,06 teńge boldy.

Sondaı-aq bıýdjettik uıymdarǵa – 24,03, basqa zańdy tulǵalar úshin 23,86 teńge kóleminde belgilendi.

Al memlekettik arnaıy áleýmettik jáne turǵyn úı kómegin alatyn turǵyndar ár tekshe metrge 16,05 teńgeden tóleıdi.

«Tarıftiń ósýi taýarly gazdyń kóterme saýdada ótkizý baǵasynyń 15 paıyzǵa kóterilýine baılanysty bolyp otyr», dep habarlady vedomstvodan.

Turǵyndar osy kezge deıin ár tekshe metrge 18,80 teńgeden tólep kelgen edi.