Batys Qazaqstanda egilýge tıisti turǵyndardyń 63 paıyzy vaktsına qabyldady

ORAL. QazAqparat – Batys Qazaqstan oblysynda 226 811 adam vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, bul – egilýge jatatyn turǵyndardyń 63 paıyzy.

Sonyń 204 781-i (56,9 paıyzy) ekinshi komponentti qabyldady.

Basqarma málimetine qaraǵanda, ótken táýlikte 721 adam birinshi komponentpen egildi. Sonyń ishinde sozylmaly syrqaty bar 80 adam, 14 stýdent, 6 pedagog, 3 medıtsına qyzmetkeri, 2 quqyq qorǵaý organynyń ókili bar.

Óńirde turǵyndardy vaktsınatsııalaý jumysy odan ári jalǵasýda.

Eske sala keteıik, budan buryn BQO-da sońǵy tórt kúnde 230 adamnan koronavırýs anyqtalǵanyn, sondaı-aq indet juqtyrǵan 100-ge jýyq balanyń emdelip jatqanyn jazǵan bolatynbyz.