Batys Qazaqstanda egilýge tıisti turǵyndardyń 60 paıyzdan astamy vaktsına aldy

ORAL. QazAqparat - Batys Qazaqstan oblysynda 216 944 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, bul - oblys boıynsha egilýge tıisti turǵyndardyń 60,3 paıyzy.

Onyń sózine qaraǵanda, keshe 626 adam birinshi komponentti qabyldady. Sonyń ishinde 11-i - stýdent, úsheýi - medıtsına qyzmetkeri, tórteýi - pedagog, tórteýi - quqyq qorǵaý organynyń ókili, beseýi - memqyzmetshi, 44-i - sozylmaly syrqaty bar adamdar.

«Oblysta vaktsınatsııa máseleleri boıynsha 24-00-06 call-ortalyq telefony jumys isteıdi. Sondaı-aq egý kabınetteri, PTR-zerthanalardyń mekenjaılaryn, rentgen kabınetteriniń jumys kestesin, kovıd juqtyryp, ambýlatorııalyq em alyp júrgen naýqastarǵa arnalǵan tegin dárilik zattar tizbesin, basqa da paıdaly aqparatty stopcovid.kz saıtynan bilýge bolady», dedi A.Saqposynova.

Eske sala keteıik, budan buryn BQO-da 215 myńnan astam adamnyń koronavırýsqa qarsy ekpe saldyrǵanyn jazǵan bolatynbyz.