Batys Qazaqstanda bir otbasy túgel jol apatyna ushyrap, áıel adam kóz jumdy

ORAL. QazAqparat - Batys Qazaqstan oblysynda bir otbasynyń músheleri jol apatyna ushyrady, dep habarlaıdy QazAqparat tilshisi.

BQO polıtsııa departamentiniń baspasóz qyzmetkeri, polıtsııa maıory Darıǵa Májıtovanyń aıtýynsha, jol-kólik oqıǵasy 3 maýsym kúni saǵat 18.13-te Aqsaı-Shyńǵyrlaý jolynyń 34-shaqyrymynda bolǵan.

41 jastaǵy er adam aıdap kele jatqan «Reno Sandero» avtokóligi aýdarylyp qaldy.

Avtokólik salonynda ákesi men anasy, balasy men qyzy, barlyǵy bes adam bolǵan.

Jol apaty saldarynan 1961 jylǵy áıel esin jııa almastan aýrýhanada kóz jumdy.

«Jol apatynyń sebebi - júrgizýshi qalǵyp ketken. Medıtsınalyq kýálandyrýǵa sáıkes ol ishimdik ishpegen. Qazirgi kezde QR QK 345-baby boıynsha sotqa deıingi tergeý amaldary júrip jatyr», dedi D.Májıtova.

Eske sala keteıik, budan buryn Batys Qazaqstanda 13 jasar balanyń sýǵa ketip qala jazdaǵanyn jazǵan bolatynbyz.