Batys Qazaqstanda 70 myńǵa jýyq adam revaktsınatsııadan ótti

ORAL. QazAqparat – Batys Qazaqstan oblysynda 69 602 adam revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, osy kezge deıin 273 616 adam koronavırýsqa qarsy vaktsınanyń birinshi komponentin saldyrdy. Bul – jalpy jospardyń 66 paıyzy.

Sonyń ishinde 262 651-i (63,3 paıyzy) ekinshi komponentti qabyldady.

Kúni búgin óńirde 52 667 doza І, 113 480 doza ІІ komponent vaktsına bar.

Pfizer kompanııasynyń vaktsınasymen 10 773 adam egilse, sonyń 410-y – júkti, 4 773-i – bala emizetin áıelder, 5 579-y – jasóspirimder, 11-i – múgedekter.

Basqarmadan túsken málimetke qaraǵanda, pandemııa bastalǵannan beri barlyǵy 49 652, sonyń ishinde bıy 9 582 adam koronavırýs juqtyrdy.

Sońǵy táýlikte 4 adamnan indet tabylsa, 167 naýqas jazylyp shyqty.

Kúni búgin 443 tósektik 11 ınfektsııalyq statsıonarda 8 adam emdelýde. Sonyń úsheýi jansaqtaý bólimshesinde. Olardyń ekeýi asa aýyr, bireýi aýyr halde.

Jyl basynan beri 43 adam koronavırýstan ómirden ozdy.

Eske sala keteıik, budan buryn Batys Qazaqstanda bir kúnde 200-den astam adamnyń jazylyp shyqqanyn jazǵan bolatynbyz.