Batys Qazaqstanda 66 myńnan astam adam revaktsınatsııadan ótti

ORAL. QazAqparat – Batys Qazaqstan oblysynda 66 064 adam rekvaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, osy kezge deıin oblys boıynsha 272 888 adam birinshi komponentpen egildi, bul – egilýge jatatyn turǵyndardyń 65,8 paıyzy.

Sonyń ishinde 260 761-i (62,9 paıyzy) ekinshi komponentti qabyldady.

Pfizer kompanııasynyń vaktsınasymen 10 623 adam egilse, sonyń 397-si – júkti, 4 705-i – bala emizetin áıelder, jeteýi – múgedekter.

Basqarma habarlaǵanyndaı, pandemııa bastalǵannan beri 49 628 naýqas anyqtalsa, sonyń 9 558-i bıylǵy jyldyń úlesine tıedi.

Sońǵy kezde statsıonarlyq em alyp jatqandar sany edáýir azaıdy. Qazirgi tańda 751 tósektik 14 aýrýhanada 11 naýqas qana qaldy. Sonyń tórteýi aýyr halde.

Jyl basynan beri koronavırýstan 42 adam kóz jumdy.

Eske sala keteıik, budan buryn dáriger Dánııa Janaısovanyń juqpaly dertterdiń ishinde eń qaýiptisi koronavırýs ekendigi jóninde aıtqanyn jazǵan bolatynbyz.