Batys Qazaqstanda 60-qa jýyq naýqas statsıonarlarda emdelip jatyr

ORAL. QazAqparat – Batys Qazaqstan oblysynda 57 naýqas statsıonarlarda emdelip jatyr, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, qazirgi kezde óńirde 504 oryndyq 9 juqpaly aýrýlar aýrýhanasy jumys jasaýda.

Statsıonarlar 11,3 paıyzǵa tolǵan. Sońǵy táýlikte 55 adam koronavırýs juqtyrdy.

Oblysta 858 adam indetten kóz jumdy.

Basqarmadan túsken málimetke qaraǵanda, óńirde 414 389 adam vaktsına alýy tıis bolsa, sonyń 256 651-i ekpe qabyldady.

Oral qalasynda 224 092 turǵynnyń 131 287-si vaktsına aldy.

Oblysta vaktsınatsııa odan ári jalǵasýda.

Eske sala keteıik, budan buryn Batys Qazaqstanda koronavırýs juqtyrý kórsetkishi 5,2 paıyzǵa tómendegenin jazǵan bolatynbyz.