Batys Qazaqstanda 6 jasar bala metall qorshaýǵa qystyrylyp qaldy

ORAL. QazAqparat – Batys Qazaqstan oblysynda 6 jasar bala metall qorshaýǵa qystyrylyp qaldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 8 tamyz kúni Terekti aýdany ıÝbıleınyı aýylynda boldy.

«Saǵat 17.19-da 2017 jylǵy balanyń metall qorshaýǵa qystyrylyp qalǵany jóninde habar túsken. Oqıǵa ornyna shuǵyl jetken jedel qutqarý jasaǵynyń qutqarýshylary balaqaıdyń úı mańyndaǵy qorshaýdan shyǵa almaı turǵanyn kóredi. Qutqarýshylar aldymen ony sabyrǵa shaqyryp, sodan keıin arnaıy quraldardyń kómegimen metall qorshaýdan alyp shyǵyp, ata-anasyna tabystady», dep habarlady vedomstvodan.

Eske sala keteıik, budan buryn Oralda sý qoımasynda qaıyq aýdarylyp, jas jigittiń kóz jumǵanyn jazǵan bolatynbyz.