Batys Qazaqstanda 5 blokpost ornatyldy
BQO polıtsııa departamenti baspasóz qyzmetinen túsken málimetke qaraǵanda, 7 qańtar kúni oblys komendanty Maqsuthan Ablazımovtyń buıryǵymen osyndaı sheshim qabyldandy. BQO boıynsha shekara qyzmeti departamentimen birlese otyryp, statıstıkalyq jaǵynan mańyzdy bes baǵytta bes baǵytta blokpostar qoıyldy. Atap aıtqanda, BQO men Atyraý oblysy shekarasynda (Aqjaıyq aýdany Taıpaq aýylynda), BQO men Aqtóbe oblysy shekarasynda (Shyńǵyrlaý aýdany Almaz aýylynda), Oral qalasynda S.Aıtqulov pen Jáńgir han kósheleriniń qıylysynda (Atyraý oblysyna shyǵar jol), Jaıyq ózeninen ótetin kópirde (Terekti aýdany Podstepnyı aýylyna aparatyn baǵyt) jáne Jaıyq ózeninen ótetin taǵy bir kópirde (Melovye gorkı kenti tusynda) blokpostar jumys jasap jatyr. Eske sala keteıik, budan buryn Oralda túnde mas júrgender ustalǵanyn, Batys Qazaqstanda avtokólikten granata tabylǵanyn jazǵan bolatynbyz.