Batys Qazaqstanda 5 100-den astam adam Pfizer vaktsınasymen egildi

ORAL. QazAqparat – Batys Qazaqstan oblysynda 5 140 adam Pfizer vaktsınasymen egildi, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, sonyń 154-i – júkti, 2108-i – bala emizetin áıel, 2 878-i – jasóspirim. Oblysta sondaı-aq 14 352 adam revaktsınatsııadan ótti.

Óńirde 414 389 adam egilýi tıis bolsa, sonyń 255 399-y (61,5 paıyzy) vaktsınanyń birinshi, 242 382-si (58,4 paıyzy) ekinshi komponentin qabyldady.

Qazirgi kezde 86 988 doza І, 114 274 doza ІІ komponent bar.

Basqarmadan túsken málimetke qaraǵanda, pandemııa bastalǵannan beri 40 058 adam koronavırýs juqtyrsa, sonyń 25 906-synda aýrý belgisi bolsa, 14 152-si – sımptomy joqtar.

Aýyrǵandardyń 38 823-i jazylyp shyqsa, 847-si qaıtys boldy.

Bıyl 30 837 adamnan indet tabyldy. Sońǵy aptada aýrý juqtyrý kórsetkishi aldyńǵymen salystyrǵanda, 1,6 paıyzǵa (11 naýqasqa) tómendedi.

Kúni búgin 286 adam dárigerlerdiń baqylaýymen ambýlatorlyq em qabyldaýda. Emhanalar janyndaǵy 132 mobıldi brıgada táýligine 700-den astam shaqyrtýǵa barady.

Oblysta 504 tósektik 9 ınfektsııalyq statsıonarda 51 naýqas qabyldaýda. Olardyń bári de Oral qalasyndaǵy aýrýhanalarda jatyr. Sonyń ishinde jeteýi jansaqtaý bólimshelerinde.

Jyl basynan beri 683 adam koronavırýstan kóz jumsa, sonyń teń jartysynan astamy jaz aılarynda qaıtys boldy. Atap aıtqanda, qańtarda – 28, aqpanda – 15, naýryzda – 30, sáýirde – 41, mamyrda – 57, maýsymda – 60, shildede – 144, tamyzda – 139, qyrkúıekte – 90, qazanda – 46, qarashada – 19, jeltoqsanda 14 naýqas dúnıeden ótti.

Eske sala keteıik, budan buryn Batys Qazaqstanda 910 oqýshydan koronavırýs anyqtalǵanyn jazǵan bolatynbyz.