Batys Qazaqstanda 430 oqýshy — «Altyn belgige» úmitker
BQO bilim basqarmasynyń basshysy Aıgúl Myńbaevanyń óńirlik kommýnıkatsııalar qyzmeti alańynda ótken brıfıngide málim etkenindeı, sondaı-aq 185 shákirt úzdik attestat alýdan dámeli.
Aıgúl Ádilgereıqyzynyń sózine qaraǵanda, bıyl «Altyn belgiden» úmitkerlerdiń jumysyn baǵalaýǵa ózgeris engizildi. ıAǵnı buryn mektep pen bilim bólimderi úmitkerlerdiń jumysyn ózderi tekserip, «Altyn belgini» tapsyrý týraly sheshim qabyldaıtyn, endi olaı emes.
-Bıyl «Altyn belgiden» úmitkerlerdiń jazbasha jumystaryn bilim basqarmasy janynan qurylǵan komıssııa tekseredi. Komıssııa quramyna jazbasha emtıhandar ótetin pánderdiń bilikti, tájirıbeli muǵalimderi kiredi. Komıssııa emtıhan jumystaryn teksergennen keıin nátıjelerin bilim berý uıymdaryna jiberip, mektep dırektorynyń buıryǵymen tósbelgi ıegerleriniń tizimi 12 maýsymǵa deıin bekitiledi, - deıdi basqarma basshysy.
2020-2021 oqý jylyn 111 myńǵa jýyq oqýshy aıaqtap jatsa, solardyń ishinde 5916-sy – 11 synyp túlekteri, 8690-y – 9 synyp shákirtteri.
Bıyl sanıtarlyq-epıdemıologııalyq jaǵdaıǵa baılanysty sońǵy qońyraý is-sharasyn ótkizýdiń úsh formaty usynyldy: Birinshisi – 9, 11 synyptarǵa mektepterde saltanatty jıyn óńirlik bas sanıtarlyq dárigerdiń kelisimi boıynsha mektep aýmaǵynda ashyq alańda sanıtarlyq normalardy saqtaı otyryp ótkiziledi.
Ekinshisi – synypta (synyp saǵaty túrinde).
Úshinshisi – onlaın (synyp saǵaty túrinde).
Mektep túlekteriniń qorytyndy attestattaýy 28 mamyrda bastalady. 9 (10) synyp oqýshylarynyń qorytyndy bitirý emtıhandary 28 mamyr men 5 maýsym, 11 (12) synyp oqýshylarynyń memlekettik bitirý emtıhandary 1-10 maýsym aralyǵynda ótedi.
Mektep bitirýshilerge attestaý tabystaý rásimi 14 maýsymda «Táýelsizdik ulandary» taqyrybynda bolady.
«Bıylǵy bir erekshelik, 26 mamyrdan 19 maýsymǵa deıin jazǵy mektepter jumys isteıtin bolady. Jazǵy mektepterge qabyldaý ata-analardyń nemese zańdy ókilderdiń ótinishi negizinde júzege asyrylady, onda oqý tegin. Oblys boıynsha barlyq aýdandar men qala mektepterinde jazǵy mektep uıymdastyrý josparlanýda. Bul – 53509 (55,5 paıyz) oqýshyny qamtıtyn 376 mektep», dedi A.Myńbaeva.