Batys Qazaqstanda 35 muǵalimnen koronavırýs anyqtaldy

ORAL. QazAqparat – Batys Qazaqstan oblysynda aqpan aıynda 35 muǵalimnen koronavırýs tabyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, osy aıda óńirde barlyǵy 1187 adamnyń koronavırýspen aýyrǵany tirkeldi.

Úshinshi toqsan bastalǵan 11 qańtardan beri 197 oqýshynyń indet juqtyrǵany belgili boldy. Sonyń ishinde 107-si dástúrli sıpatta, 90-y qashyqtan oqıdy.

Koronavırýstyń taralýyna tosqaýyl qoıý maqsatynda BQO bas memlekettik sanıtar dárigeriniń 8 aqpandaǵy qaýlysyna sáıkes bir adamnan koronavırýs anyqtalǵan jaǵdaıda sol

mektep 14 kúnge karantınge jabylady.

Oblysta 8 aqpannan beri 17 mektep karantınge jabyldy.

Sonyń 8-i Oral qalasynda, qalǵandary aýdandarda.

Eske sala keteıik, budan buryn BQO-da ınfektsııalyq statsıonarlardyń 54,5 paıyzǵa tolǵanyn, jedel járdem qyzmetterine 20 reanımobıl satyp alynǵanyn jazǵan

bolatynbyz.