Batys Qazaqstanda 232 myńnan astam adam koronavırýsqa qarsy ekpe saldyrdy

ORAL. QazAqparat - Batys Qazaqstan oblysynda 232 003 adam koronavırýsqa qarsy vaktsınanyń birinshi komponentin saldardy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmetinen málim etkenindeı, bul - óńirdegi egilýge tıisti turǵyndardyń 55,9 paıyzy.

Sonyń 210 053-i ekinshi komponentpen egilip úlgerdi.

Ótken táýlikte oblys boıynsha 730 adam birinshi komponentti qabyldady. Sonyń ishinde 76-sy - sozylmaly syrqaty bar adamdar.

Basqarma málimetine qaraǵanda, ótken táýlikte 61 adamnan koronavırýs anyqtalsa, 213 naýqas jazylyp shyqty.

Sońǵy aptada aldyńǵymen salystyrǵanda, vırýs juqtyrý kórsetkishi 12 paıyzǵa tómendedi.

Kúni búgin 814 adam ambýlatorııalyq, 232 naýqas statsıonarlyq em alýda. Sonyń ishinde 20-sy aýyr halde.

Іndet bastalǵannan beri tirkelgen 38 490 naýqastyń 31 497-si emdelip shyqty. 797-si ómirden ozdy.

Eske sala keteıik, budan buryn BQO-da koronavırýs juqtyrǵan 800-den astam adamnyń ambýlatorııalyq em alyp jatyrǵanyn jazǵan bolatynbyz.