Batys Qazaqstanda 227 adam Májilis pen máslıhatqa ózin-ózi usyndy
BQO aýmaqtyq saılaý komıssııasynyń tóraǵasy Ǵaısa Qapaqovtyń óńirlik kommýnıkatsııalar qyzmeti alańynda ótken brıfıngide málim etkenindeı, tek sońǵy úsh kúnde ǵana 180-nen astam ótinish túsken.
Onyń aıtýynsha, 227 adamnyń tórteýi – Májilis, tórteýi – oblystyq, qalǵany qalalyq jáne aýdandyq máslıhattarǵa ótý úshin baq synap kórmekshi.
Sonymen qatar jýyrda 7 partııa óz úmitkerlerin anyqtap, Májilis pen máslıhattarǵa usynady.
Kúni búgin saılaý komıssııalaryna 4101 adam tartylyp otyr. Oblys boıynsha 173 okrýgtik, 14 aýmaqtyq saılaý komıssııalary jumys isteýde.
Qazirgi kezde saılaýshylardyń tizimi jasalyp jatyr.
«Úmitkerlerdiń ótinishteri saılaý komıssııasynyń otyrystarynda qaralyp, zańǵa sáıkes tıisti sheshim qabyldanady. Qarajat máselesine kelsek, qarjy kólemi naqty bekitilgen joq. Ol qansha kandıdattyń dodaǵa túsetinine baılanysty. Bir atap ótetin jaıt, bólingen qarajattyń 92 paıyzy saılaý komıssııalary músheleriniń eńbekaqysyna, qalǵany úgit-nasıhat jumystaryna jumsalady», - dedi Ǵ.Qapaqov.
Eske sala keteıik, budan buryn Batys Qazaqstanda máslıhatqa 188 depýtat saılanatynyn jazǵan bolatynbyz.