Batys Qazaqstanda 21 myńǵa jýyq adam revaktsınatsııadan ótti

ORAL. QazAqparat – Batys Qazaqstan oblysynda 20 730 adam revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, sondaı-aq Pfizer vaktsınasyn qabyldaǵan 5770 adamnyń 3108-i – jasóspirimder, 195-i – júkti, 2467-si – bala emizetin áıelder.

Osy kezge deıin 257 115 adam (egilýge tıisti turǵyndardyń 62 paıyzy) vaktsınanyń birinshi, 244 140-y (58,9 paıyzy) ekinshi komponentimen egildi.

Kúni búgin vaktsınanyń 78 455 doza І, 112 160 doza ІІ komponenti bar.

Basqarmadan túsken málimetke qaraǵanda, pandemııa bastalǵannan beri 40 249 adam koronavırýs juqtyrdy.

2020 jyly 9 221 naýqas anyqtalsa, ótken jyly aýyrǵandar sany 30 849-ǵa jetti.

Jyl basynan beri 179 adamnan indet tabylsa, sonyń ekeýi – balalar.

Qazirgi tańda 504 tósektik 9 ınfektsııalyq statsıonarda 57 naýqas jatsa, sonyń 9-y jansaqtaý bólimshesinde.

2021 jyly 684 adam koronavırýstan kóz jumsa, sońǵy aptada 3 naýqas qaıtys boldy.

Eske sala keteıik, budan buryn Batys Qazaqstanda 60-qa jýyq naýqastyń statsıonarlarda emdelip jatqanyn jazǵan bolatynbyz.