Batys Qazaqstanda 20 myńnan astam adam jumyspen qamtylmaq
BQO jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Isataı Myńbaevtyń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde 2 500-i aqyly qoǵamdyq jumystarǵa, 1 300-i jastar praktıkasyna, 775-i áleýmettik jumys oryndaryna jáne 134 jas «Alǵashqy jumys orny» jobasyna joldanbaq.
Sondaı-aq bıyl 13 myńnan astam jumyssyzdy turaqty jumyspen qamtý kózdelýde. Oǵan qosa óz kásibin ashqysy keletin azamattarǵa 1200-den astam qaıtarymsyz grant beriledi.
I.Myńbaevtyń sózine qaraǵanda, Memleket basshysynyń bıylǵy 11 qańtarda QR Parlamenti Májilisiniń otyrysynda sóılegen sózinde jastar praktıkasy men «Alǵashqy jumys orny» jobalarynyń merzimi men jalaqysyn ulǵaıtý jáne qaıtarymsyz memlekettik granttar somasyn ósirý týraly tapsyrma bergeni málim. Osyǵan oraı bıyldan bastap jastar praktıkasy 6 aıdan 1 jylǵa uzartylyp, jalaqysy 25 AEK-ten 30 AEK-ke deıin kóbeıtildi. Al «Alǵashqy jumys orny» jobasyn sýbsıdııalaý merzimi 12 aıdan 18 aıǵa uzartylyp, jalaqysy 20 AEK-ten 30 AEK-ke deıin artty. Bul is-shara jas túlekterdiń alǵashqy eńbek ótilin qalyptastyryp, biliktiligin kóterip, jaqsy tabysqa qol jetkizýine múmkindik berip otyr. Sonymen qatar memlekettik qaıtarymsyz grant kóleminiń 400 AEK-ke deıin ósýi jumyssyz azamattardyń óz kásipterin bastap, tabys tabýyna jol ashty.
Shetel jumys kúshterin jergilikti adamdarmen aýystyrý da mańyzdy. Іshki eńbek naryǵyn qorǵaý baǵytynda shetel azamattaryn jumysqa ornalastyrýǵa ruqsat berý jyldan-jylǵa azaıyp keledi. Mysaly, 2019 jyly bul derek 1 400-ge jýyqtasa, 2021 jyly nebári 951 ruqsat berildi.
«Memleket basshysy Ulttyq qoǵamdyq senim keńesiniń tórtinshi otyrysynda jyl saıynǵy jańa jumys oryndaryn qurý baǵytynda jumyspen qamtý kartasyn ázirleýdi tapsyrǵan bolatyn. Osy oraıda óńirlik jumyspen qamtý kartasy jańa jumys oryndaryn qurý boıynsha keshendi qujat bolyp tabylady jáne Ulttyq jobalar aıasynda iske asyrylatyn barlyq jobalar esepke alynady. Ulttyq jobalardy óńirde iske asyrý barysynda 2025 jylǵa deıin 22 myńnan astam jumys oryndaryn ashý josparlanýda. ıAǵnı tórt jyl ishinde oblys boıynsha 363 joba aıasynda 22 myńnan astam jańa jumys orny ashylsa, sonyń 14 myńy turaqty, 7 myńnan astamy ýaqytsha bolmaq», dedi I.Myńbaev.
Statıstıka organdarynyń esebi boıynsha Batys Qazaqstanda 338 myń ekonomıkalyq belsendi adam bolsa, sonyń 321 myńy jumyspen qamtylǵan, al 16 myńy (4,9 paıyzy) – jumyssyzdar.
2021 jyly Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» baǵdarlamasyn júzege asyrýǵa oblysqa 7 mlrd teńge qarajat bólindi.
Baǵdarlama aıasynda 36 331 adam qamtylyp otyr. Olardyń ishinde 19 255-i jumysqa ornalastyrylyp, sonyń 13 189-i turaqty jumyspen qamtamasyz etildi.