Batys Qazaqstanda 2 531 adamǵa Pfizer vaktsınasy egildi

ORAL. QazAqparat – Batys Qazaqstan oblysynda 2 531 adam Pfizer vaktsınasyn aldy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkendeı, sonyń 1426-sy jasóspirimder bolsa, 81-i – júkti, 1024-i – sábı emizetin áıelder.

Sondaı-aq 1430 adam revaktsınatsııadan ótti.

Osy kezge deıin 250 296 adam (egilýge tıisti turǵyndardyń 60,4 paıyzy) vaktsınanyń birinshi, 233 462-si (56,3 paıyz) ekinshi komponentin qabyldady.

Qazirgi kezde qoımalarda 89 364 doza І, 106 278 doza ІІ komponent bar.

Basqarmadan túsken málimetke qaraǵanda, óńirde pandemııa bastalǵannan beri 39 814, bıyl 30 593 naýqas tirkeldi.

Jyl basynan beri aýyrǵan 3006 balanyń 2987-si jazylyp shyqty. 19-y saýyǵý ústinde.

Kúni búgin 286 patsıent ambýlatorlyq, 117 naýqas statsıonarlyq em alýda. Jansaqtaý bóliminde jatqan 9 adamnyń tórteýi ınvazıvti emes jasandy tynys alý apparatyna, ekeýi ottegi kontsentratoryna qosylǵan.

Jyl basynan 672, sońǵy aptada 5 naýqas koronavırýstan kóz jumdy.

Eske sala keteıik, budan buryn Batys Qazaqstanda 250 myńǵa jýyq adamnyń koronavırýsqa qarsy ekpe saldyrǵanyn jazǵan bolatynbyz.