Batys Qazaqstanda 2,5 tonna zańsyz balyq tıelgen kólik aýdarylyp qaldy

ORAL. QazAqparat – Batys Qazaqstan oblysynda 2,5 tonna balyq tıelgen «GAZel» avtokóligi aýdarylyp qaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa Oral qalasyna qarasty Derkól kentinde bolǵan.

Aýdarylǵan kólik kýzovynan 56 polıetılen qapqa salynǵan qarabalyq shyqty. Kólik júrgizýshisi balyqty ruqsat qaǵazdarynsyz tasymaldaǵan. Tárkilengen 2504 keli balyq «Kaspıı Ýral» seriktestigine saqtaýǵa tapsyryldy.

Sondaı-aq, polıtseıler «Bekire» jedel aldyn alý is-sharasy barysynda Oral-Saratov joly boıynda jalǵan reseılik nómir taǵylǵan «GAZel» avtokóligi toqtatylǵanyn habarlady. Bul kólikten ruqsat qaǵazdary joq, 66 qapqa salynǵan 3 tonna 102 kg qarabalyq alyndy.

«Qazirgi kezde QR QK 196-baby 1-bóligine (kórineý qylmystyq jolmen tabylǵan múlikti ıemdený nemese ótkizý) sáıkes sotqa deıingi tergeý amaldary júrgizilip jatyr», - deıdi departament ókilderi.

Eske sala keteıik, Atyraýda úsh kólikten 100 keliden astam bekire tuqymdas balyq tabylǵan bolatyn.