Batys Qazaqstanda 18 synyp karantınge jabyldy

ORAL. QazAqparat - Batys Qazaqstan oblysynda jyl basynan beri 855 oqýshydan koronavırýs anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda ótken brıfıngte málim etkenindeı, Oral qalasy men aýdandardyń bas memlekettik sanıtar dárigerleriniń qaýlysymen 11 mektepte 18 synyp karantınge jabyldy.

Onyń sózine qaraǵanda, barlyq jastaǵy mektep oqýshylary indet juqtyrýda.

Osy kezeńde jospardan tys 20 tekserý júrgizilip, 91 890 teńgege 2 hattama toltyryldy.

«Jyl basynan beri 8091 adamnan koronavırýs tabyldy. Іndet, ásirese, Tasqala (947, 82,9 paıyz), Báıterek (1193, 65 paıyz), Bórli (947, 35,6 paıyz) aýdandarynda, sondaı-aq Oral qalasynda (4015, 8,5 paıyz) órship otyr», dedi M.Aryspaev.

Eske sala keteıik, budan buryn BQO-da 45 myńnan astam adamnyń revaktsınatsııadan ótkenin jazǵan bolatynbyz.