Batys Qazaqstanda 150 mln teńge salyq tóleýden jaltarǵan kásipker sottaldy

ORAL. QazAqparat - Qarjylyq monıtorıng agenttigi 150 mıllıon teńge salyq tóleýden jaltarýdyń kezekti dereginiń jolyn kesti, dep habarlaıdy QazAqparat.

Salyq salýdyń negizgi maqsaty – qoǵam men memlekettiń damýy úshin ártúrli mańyzdy áleýmettik jobalar men baǵdarlamalardy iske asyrý.

Kóbine bul tólem josyqsyz kásipkerlerdiń zańsyz áreketi saldarynan túpki maqsatqa jetpeıdi.

Qarjylyq monıtorıng agenttiginiń Batys Qazaqstan oblysy boıynsha aýmaqtyq departamenti salyq tóleýden jaltarý deregi boıynsha «Kompanııa Býrlıngazstroı» JShS -ne qatysty qylmystyq isti tergeýdi aıaqtady.

Tergeý málimeti boıynsha, kásiporyn basshysy B.Ótegenov 2015-2019 jyldar aralyǵynda salyq deklaratsııasyna kórineý jalǵan málimetter engizgen, osylaısha 157 mln teńgeden astam somaǵa salyq tóleýden jaltarǵan.

B.Ótegenov sottaldy, sondaı-aq, kommertsııalyq uıymdarda uıymdastyrý-basqarýshylyq fýnktsııalardy oryndaýmen baılanysty qyzmetpen aınalysý quqyǵynan 3 jylǵa aıyryldy.

Osyndaı derekter men ekonomıkalyq jáne qarjy salalarynda ózge de quqyq buzýshylyqtar belgili bolsa, BQO boıynsha ETD + 7 708 435 04 54 nómiri boıynsha Telegram jáne WhatsApp -taǵy onlaın chatqa habarlasýǵa bolady.