Batys Qazaqstanda 1400-ge jýyq adamdy ıt qapty
BQO veterınarııa basqarmasy basshysynyń orynbasary Rashıt Imanǵalıev óńirlik kommýnıkatsııalar qyzmeti alańynda ótken brıfıngide málim etkendeı, bıyl oblys aýmaǵynda ıt-mysyqty asyraý jáne serýendetý qaǵıdalaryn buzǵany úshin 114 adamǵa 1 mln 837,8 myń teńge aıyppul salyndy.
«Qazirgi tańda biryńǵaı derekqorda oblys boıynsha chıptelgen 15 160 ıt pen mysyq tirkelgen, sonyń ishinde 5 014-iniń ıesi bar. Bul baǵyttaǵy jumystar jalǵasady», - deıdi basqarma basshysynyń orynbasary.
Onyń aıtýynsha, oblys boıynsha 2020 jyly 21 mln 514 myń teńgege 2 060, ótken jyly 61 mln 891 myń teńgege 5 030 qańǵybas ıt pen mysyq bıozararsyzdandyrýdan ótkizilip, mekendeý ortasyna keri jiberildi. Bıyl 65,576 mln teńge qaralyp, 5 067 qańǵybas ıt pen mysyqty bıozararsyzdandyrý josparlansa, kúni búgin sonyń 3 122-si (Oral qalasy boıynsha 1 430) ótkizildi.
Barlyq bıozararsyzdandyrýdan ótken ıt-mysyqtarǵa qutyrýǵa qarsy ekpe jáne degelmıntızatsııa jasalynady. Oǵan qosa jeke jáne zańdy tulǵalardyń ótinishi negizinde oblys boıynsha 930 buralqy ıt jansyzdandyryldy.
Óńirde bıýdjettik baǵdarlama aıasynda bıozararsyzdandyrý arqyly qańǵybas janýarlardyń sanyn retteý kózdelip otyr.
Aıta ketsek, bıylǵy 2 naýryzdan bastap kúshine engen «Janýarlarǵa jaýapkershilikpen qaraý týraly» QR Zańyna sáıkes Ekologııa, geologııa jáne tabıǵı resýrstar mınıstrliginiń buıryǵymen «Úı janýarlaryn ustaýdyń jáne serýendetý» jáne «Janýarlardy aýlaý, ýaqytsha ustaý jáne jansyzdandyrý úlgilik erejesi» bekitilip, 23 mamyrynda resmı jarııalandy. Atalǵan erejeler 23 shildede kúshine endi.
Zańǵa sáıkes azamattarǵa janýarlarǵa jaýapkershilikpen qaraý mindettelgen. Olardy qaraý kezinde janýardyń ólýine, mertigýine nemese saýlyǵyna ózge de zııan keltirýge, uryp-soǵýǵa, azaptaýǵa, janýarlar tóbelesin uıymdastyrýǵa jáne ótkizýge bolmaıdy delingen.
Zańnyń 21-baby 7-tarmaǵynda úı janýarlarynyń qalaýsyz tóldeýin boldyrmaý úshin janýardyń ıesi nemese jaýapty adam sterılızatsııalaý arqyly sharalar qabyldaýǵa mindetti.
Zańnyń 22-baby boıynsha ıtterdiń tumyldyryqsyz jáne qarǵybaýsyz óz betinshe serýendeýine, úı janýarlarynyń minez-qulqyn baqylaı almaıtyn, onyń ishinde alkogoldik, esirtkilik nemese ýytqumarlyq masań kúıdegi adamdardyń olardy serýendetýine tyıym salynady, sondaı-aq úıdiń aýmaǵyna kireberiste úı janýarynyń bar ekendigi týraly eskertý jazbasy jasalýǵa tıis.
Zańnyń 25-baby 2-tarmaǵynda qańǵybas janýarlardyń sanyn ýlardy, ózge de hımııalyq preparattardy paıdalanýdy qosa alǵanda, kez kelgen tásildermen jansyzdandyrý arqyly retteýge tyıym salynady jáne 23-babynyń 1-tarmaǵynda qańǵybas janýarlardyń sanyn bıýdjet qarajaty jáne Qazaqstan Respýblıkasynyń zańnamasynda tyıym salynbaǵan ózge de kózder esebinen sterılızatsııalaý arqyly retteledi dep kórsetilgen.
Zańnyń 15-baby, 1-tarmaǵynyń, 4-tarmaqshasyna sáıkes janýarlar adamnyń ómirine nemese densaýlyǵyna, janýarlarǵa, sondaı-aq qoǵamdyq tártip pen qaýipsizdikke qaýip tóndirgen kezde jansyzdandyrýǵa jol beriledi.
Sonymen qatar, ıtter men mysyqtardyń ıelerine 2023 jyldyń 1 qyrkúıegine deıin úı janýarlaryna chıp saldyryp, tirketý qajet. Tirkelmegen úı janýarlarynyń ıeleri ákimshilik jaýapkershilikke tartylady.
«Qazirgi tańdaǵy ózekti máselelerdiń biri – buralqy ıt pen mysyqtyń kóbeıip ketýi bolyp otyr. Oǵan sebep – turǵyndar jaz mezgilinde ıtterdi saıajaıdy kúzetý úshin ustaıdy da, salqyn túse qaraýsyz qaldyrady. Sondaı-aq, ıt-mysyqtyń ıeleri janýarlaryn ýaqtyly veterınarǵa aparyp, bıozararsyzdandyrmaıdy. Sosyn kúshiktegen kezde kúshikteri men marǵaýlaryn asyramaı, dalaǵa aparyp tastap ketedi. Sondaı sebeptermen ash qalǵan ıtter top-tobymen júrip, turǵyndardyń qus-janýarlary ǵana emes, ózderine deıin shabady. Ata-analar mektep jasyndaǵy balalary úshin qorqatyndyǵyn aıtyp, buralqy ıtterden tazartý týraly quzyrly organdarǵa jıi shaǵym túsiredi. Osy oraıda, turǵyndardyń ıt pen mysyqtardy asyraý jáne serýendetý qaǵıdalaryn bilip, bul máselege jaýapkershilikpen qaraý qajettigin eske salamyz», - dedi R. Imanǵalıev.
Eske sala keteıik, budan buryn BQO-da balalardyń jaraqattanýy jıilep ketkenin jazǵan bolatynbyz.
Foto: mediaoneonline.com