Batys Qazaqstanda 111 maıdanger qaldy

ORAL. QazAqparat  - Batys Qazaqstan oblysynda Jeńis kúnine oraı Ekinshi dúnıejúzilik soǵysqa qatysýshylar men múgedekterge 150 myń teńgeden berilmek, dep habarlaıdy QazAqparat tilshisi.

Oblystyq jumyspen qamtýdy úılestirý jáne áleýmettik baǵdarlamalar basqarmasynan túsken málimetke qaraǵanda, Lenıngrad qursaýynyń turǵyndary, fashıstik kontslager men gettonyń kámeletke tolmaǵan tutqyndary, jaldamaly quramda bolǵandar 60 myń teńgeden birjolǵy járdemaqy alady.

Sol sekildi soǵysta qaza tapqan jaýyngerlerdiń qaıta nekege turmaǵan jesirlerine 20 myń teńgeden beriledi. Qaza bolǵan maıdangerlerdiń áıelderine 15 myń teńgeden tımek. Tylda eńbek etkender 10 myńnan, al marapattalǵandary 15 myń teńgeden alady.

UOS qatysýshylary men olarǵa teńestirilgen tulǵalardy kommýnaldyq tólemnen bosatý úshin aı saıyn 5 AEK kóleminde áleýmettik kómek kórsetiledi.

Aıta keteıik, 20 sáýirdegi málimet boıynsha oblysta 111 maıdanger tursa, sonyń 36-sy - múgedek. Sondaı-aq  Lenıngrad qursaýynyń 4 turǵyny, burynǵy kontslagerlerdiń 17 tutqyny, qaıtys bolǵan maıdangerlerdiń 585 áıeli, soǵys kezinde qaza tapqandardyń 25 jesiri, 8 479 tyl eńbekkeri, jaldamaly quramda bolǵan 7 jáne soǵysqa qatysýshylar men múgedekterine teńestirilgen 113 adam bar. 

Osylaısha Jeńistiń 73 jyldyǵyna oraı barlyǵy 9 341 adamǵa jergilikti bıýdjetten 102,3 mln teńge tólenbekshi. 2016 jyly 10544 adamǵa 141 mln teńge, 2017 jyly 9 295 kómek alýshyǵa 118,6 mln teńge berilgen bolatyn.