Batys Qazaqstanda 100 myńnan astam oqýshy jazǵy demalyspen qamtylmaq

ORAL. QazAqparat – Batys Qazaqstan oblysynda bıyl 103 134 oqýshyny jazǵy demalyspen qamtý kózdelip otyr, dep habarlaıdy QazAqparat tilshisi.

BQO bilim basqarmasynyń basshysy Aıgúl Myńbaevanyń málim etkenindeı, bul – 1-10 synypta oqıtyn balalardyń jalpy sanynyń 93,6 paıyzy.

Ótken jyly 103 438 oqýshy (95,5 paıyz) demalǵan edi.

Onyń sózine qaraǵanda, oblys boıynsha túrli baǵyttaǵy 680 lager (ótken jyly – 608) jumys jasaıdy. Sonyń ishinde qala syrtyndaǵy 19 lager óz jumysyn sanıtarııalyq-epıdemıologııalyq baqylaý departamentiniń qorytyndylaryn alǵannan keıin bastaıtyn bolady. Bularda 7 310 oqýshy (2022 jyly – 7 631) demalmaq.

Mektep janyndaǵy tamaqtanýy uıymdastyrylatyn 282 lagerde 28 282 (ótken jyly 275 lagerde 32 169 oqýshy), tamaq uıymdastyrylmaıtyn sondaı 375 lager men beıindik alańdarda 59 586 (305 lagerde 52 899) oqýshy tynyǵady. Oǵan qosa 9 shatyrly lagerge 2 931 (3 117), ata-analarymen basqa da demalý oryndaryna 4 782 (7241) bala barmaq.

«Oblys boıynsha áleýmettik qorǵalmaǵan balalardyń ishinen jetim jáne ata-ana qamqorlyǵynsyz qalǵan 452, az qamtylǵan otbasylardan 7 829 bala túgeldeı demalyspen qamtylady. Sol sekildi múmkindigi shekteýli 2 951 balanyń 96,3 paıyzy, devıantty minez-qulyqty (mektep esebinde turǵan, qolaısyz otbasy balalary jáne polıtsııa bólimderinde esepte turǵandar) 556 oqýshynyń 98,5 paıyzy jazda tynyqpaq. Jalpy, 2023 jyly jalpyǵa mindetti oqý qorynan jekelegen sanattaǵy balalardy jazǵy demalyspen qamtýǵa 123,0 mln teńge (2022 jyly – 72 351,0 myń teńge) qaraldy», dedi A.Myńbaeva.

Eske sala keteıik, budan buryn Batys Qazaqstanda 254 oqýshynyń «Altyn belgiden» úmitker ekendigin jazǵan bolatynbyz.