Batys Qazaqstan jurtshylyǵy Astananyń Nur-Sultan atalýyn qoldady
Sharaǵa ardagerler men qala turǵyndary, negizinen jastar jınaldy.
M.Ótemisov atyndaǵy Batys Qazaqstan memlekettik ýnıversıtetiniń ustazy, pedagogıka ǵylymdarynyń doktory, professor Abat Qydyrshaev Elbasynyń Qazaqstan men onyń astanasy aldyndaǵy eńbegine toqtaldy.
«Elbasymyzdyń atqarǵan ulanǵaıyr isterin aıta otyryp, eki tusqa erekshe toqtalǵym keledi. Nursultan Nazarbaevtyń 1991 jyly Semeı ıadrolyq polıgonyn jabýy kúlli álem jurtshylyǵy úshin úlgi-ónege boldy. Ekinshiden, Ult kóshbasshysy Qazaq eliniń astanasyn óz qolymen saldy. Onyń ár ǵımaratynyń ereksheligi, ár kirpishi Elbasynyń syn tezinen ótti. Elordada basqa sáýletti ǵımarattardy aıtpaǵanda, Nazarbaev ýnıversıteti salyndy, óńirlerde zııatkerlik mektepteri iske qosyldy. Munyń ózi bilim berý deńgeıin kóterdi. Búginde astanamyz kúlli el maqtanatyn bas qalaǵa aınaldy. Endeshe, onyń Nur-Sultan bolyp atalýy zańdylyq», dedi Abat Qydyrshaev.
-Qazir Qazaqstan turaqty damyp, gúldený ústinde. Onyń búgini eńseli, erteńi jarqyn. Munyń bári - Ult kóshbasshysynyń salıqaly saıasatynyń arqasy. Astana ózin turǵyzǵan sáýletshisiniń esimin alyp otyr. Sondyqtan biz ony tolyq qoldaımyz, - dedi Oraldaǵy №17 orta mektep dırektory Tamara Rýdıch.
Jaıyq jastary atynan sambodan álem chempıony Nurbol Serikov sóz aldy.
«Biz - táýelsiz Qazaq eliniń jastarymyz. Qazaqstannyń bereke-birligin arttyryp, kóshin alǵa súıregen Elbasynyń arqasynda elimizdiń mádenıeti men sportyn álem tanydy. Qazaq eliniń kók baıraǵy dúnıe júziniń túkpir-túkpirinde kóterilip, Ánuranymyz oryndaldy. Úlken sportqa dańǵyl jol ashyldy. Elbasymyzǵa yqylas-qurmetimizdi osylaısha bildire otyryp, aldaǵy ýaqytta da el namysyn abyroımen qorǵaýǵa umtylatyn bolamyz», dedi Nurbol Serikov.