Batys Qazaqstan oblysynda karantın sharalary kúsheıtildi
BQO bas memlekettik sanıtar dárigeri Muhamǵalı Aryspaevtyń 30 naýryzdaǵy qaýlysy shyqty.
1 sáýirden bastap kúshine enetin qaýlyǵa sáıkes tórtinshi toqsanda oblys aýdandarynda kontıgenti 300 oqýshyǵa deıingi aýyldyq mektepterde balalar sanyn 25-ten asyrmaı dástúrli túrde oqytýǵa ruqsat beriledi.
Al indet kóbeıip otyrǵan Oral qalasy, Bórli jáne Báıterek aýdandarynda bala sany 15-ten aspaýy tıis.
Bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda shákirtterdi jeke oqytýǵa bolady.
Sondaı-aq jalpy bilim beretin mektepterde mektepaldy jáne 1-5 synyptar, halyqaralyq mektepterde 1-7 synyptarda bala sanyn 25-ten asyrmaı aralas formatta oqytýǵa ruqsat berildi.
Oral qalasy, Bórli jáne Báıterek aýdandarynda bala sany 15-ten aspaıdy.
Oqý bitiretin synyptar (9-12 synyptar) aptanyń alty kúni ishinde bala sanyn 15-ten asyrmaı, pánderdiń 70 paıyzyn shtattyq rejımde, 30 paıyzyn qashyqtan oqıdy.
Tehnıkalyq jáne kásiptik, orta bilimnen keıingi bilim berý uıymdarynda, joǵary jáne JOO-dan keıingi oqý oryndarynda 1 kýrs stýdentteri sanıtarlyq talaptardy saqtaı otyryp, aralas túrde bilim alady.
Dinı oryndarda ár kelýshige keminde 5 sharshy metr esebinde, nysannyń tolýyn 30 paıyzdan asyrmaı jumys isteýge ruqsat etilgenimen, buqaralyq ujymdyq is-sharalardy ótkizýge tyıym salyndy.
Qasıetti Ramazan aıy kezinde de ujymdyq aýyzashar ótkizýge bolmaıdy.
Qoǵamdyq tamaqtandyrý oryndary sanıtarlyq talapty saqtaı otyryp, saǵat 09.00-den 22.00-ge deıin jumys isteıdi.
Ujymdyq, saltanatty, otbasylyq jáne basqa buqaralyq is-sharalar ótkizilmeıdi.
Sonymen qatar taǵamdy jetkizý jáne shyǵaryp berýdi qospaǵanda, senbi jáne jeksenbi kúnderi qyzmetin toqtatady. Fýdkort qyzmeti de tek taǵamdy jetkizý jáne shyǵaryp berýmen aınalysa alady.
Eske sala keteıik, budan buryn BQO-da ınfektsııalyq statsıonarda jatqandar sany 355-ke jetkenin jazǵan bolatynbyz.