Batys Qazaqstan oblysynda 635 adam karantın talabyn buzǵan

ORAL. QazAqparat – Batys Qazaqstan oblysynda jyl basynan beri «Ashyq» qosymshasy derekteri boıynsha úılerinde oqshaýlanýy tıis 635 adamnyń karantın talabyn buzǵany anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaev málim etkendeı, sonyń 628-i – «qyzyl», jeteýi – «sary» mártebesi bar adamdar.

Onyń aıtýynsha, zańbuzýshylyqtar boıynsha QR Ákimshilik quqyqbuzýshylyq kodeksi 425-baby 1-bóligine sáıkes jeke tulǵalarǵa 37 hattama toltyrylyp, 1 699 965 teńge aıyppul salyndy.

Sondaı-aq jyl basynan beri memlekettik shekaradan anyqtamasyz 919 jolaýshy ótse, sonyń 15-inen koronavırýs tabyldy. Halyqaralyq júk tasymalymen aınalysatyn, anyqtamasy joq 834 júrgizýshiniń 27-sinde test indet bar ekendigin kórsetti.

Óńirde vaktsınatsııa jumystary jalǵasýda.

«Ótken jyldyń qarasha aıynyń aıaǵynan beri 44 357 adam revaktsınatsııadan ótti. Budan barlyǵy 65 351 adam ótýi tıis bolsa, qazir sonyń 67,8 paıyzyn qurap otyr. Oblys boıynsha Pfizer vaktsınasymen egilýge jatatyn 63 765 turǵynnyń 8890-y (13,9 paıyzy) birinshi, 5378-i (8,4 paıyzy) ekinshi komponentpen egildi. Іndettiń aldyn alý úshin ekpeniń tolyq kýrsynan jáne eki dozasyn alǵandardyń alty aıdan keıin revaktsınatsııadan ótýdiń mańyzdy ekendigin eske salamyz», dedi M.Aryspaev.

Eske sala keteıik, budan buryn Batys Qazaqstanda 18 synyptyń karantınge jabylǵanyn jazǵan bolatynbyz.