ORAL. QazAqparat – Batys Qazaqstan oblysynda qyrkúıek aıynan beri 20 muǵalim koronavırýs juqtyrǵan, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindeı, sonyń úsheýi – bastaýysh synyp muǵalimderi.
Osy ýaqyt aralyǵynda Oral qalasy boıynsha 18, aýdandarda 10 synyp karantınge jabyldy.
Sondaı-aq qyrkúıek aıynan beri 6 mektepke deıingi mekeme karantınge jabyldy.
Óńirde sońǵy táýlikte koronavırýs juqtyrǵan 42 adam tirkelse, sonyń 14-inde aýrý belgileri baıqalǵan. Qalǵan 28 adamda aýrý sımptomsyz ótýde.
Іndet bastalǵannan beri oblysta barlyǵy 7499 adamnyń aýyrǵany anyqtalyp, sonyń 6954-i jazylyp shyqty. 128 naýqas kóz jumdy.
Eske sala keteıik, budan buryn Oralda toıdan qashqandardyń vıdeoǵa túsip qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).