Batys Qazaqstan oblysy mektepterinde 210 muǵalim jetispeıdi
BQO bilim basqarmasy basshysynyń orynbasary Svetlana Temirǵalıeva óńirlik kommýnıkatsııalar qyzmeti alańynda ótken brıfıngide málim etkendeı, ásirese qazaq mektebindegi orys tili men ádebıeti páni, orys tilinde matematıka, bastaýysh synyp muǵalimi jáne tárbıeshi, aǵylshyn tili páni muǵalimi, pedagog-psıholog, logoped, defektolog mamandar qajet.
Onyń aıtýynsha, qazir jas mamandardy jumysqa konkýrs arqyly qabyldaý jumystary júrgizilip jatyr.
Sonymen qatar, bıyl óńirde bilim berý uıymdarynyń (28-i – jalpy orta bilim beretin uıym, 37-si – mektepke deıingi uıym, úsheýi – qosymsha bilim berý uıymy, ekeýi – kásiptik jáne tehnıkalyq oqý orny) 70 basshysy basshysy) rotatsııalandy. Bul baǵyttaǵy jumystar jalǵasyn tabady.
S. Temirǵalıevanyń sózine qaraǵanda, oblys boıynsha jalpy bilim beretin 379 mektepte (371-i – memlekettik kúndizgi, úsheýi – memlekettik keshki, beseýi – jeke) 115 myńnan astam oqýshy bilim alady.
Oqýshylar kontıngentiniń azaıyp, talapqa saı kelmeýine baılanysty Bókeı ordasy aýdany Shońaı bastaýysh mektebi jabylsa, Bórli aýdany Qaraǵandy orta mektebi negizgi mektep bolyp qaıta qurylady. Al, shákirt sanynyń kóbeıýine oraı, Tasqala aýdany Yntymaq aýylynda bastaýysh mektep ashylady.
«Bıyl 1-synypqa 13 222 oqýshy qabyldansa, sonyń 9 066-sy nemese 69 paıyzy memlekettik, 4 153-i nemese 31 paıyzy orys tilinde bilim almaq», - dedi S.Temirǵalıeva.