«Batys Eýropa - Batys Qytaı» jolynyń qurylysyna 8 jyljymaly zerthana satyp alyndy (FOTO)

ASTANA. QazAqparat - «Batys Eýropa-Batys Qytaı» tranzıttik dáliziniń qurylysyna qatysýshy merdiger kompanııalardyń qol qoıǵan kelisimsharttary aıasynda qosymsha 8 kópfýnktsıonaldy jyljymaly jol dıagnostıkalyq jol zerthanasy satyp alyndy. Bul týraly QR IDM baspasóz qyzmeti habarlady.

Jol sapasyna  baqylaý jasaýda sholý jasaıtyn kameralarmen, lazerlik ólshegish jáne georadarmen jabdyqtalǵan zerthanalar kólikke ornatylǵan ónerkásip kompıýterine alynǵan nátıjelerdi joldap otyrady.  

Jyljymaly zerthanalar QR IDM Avtomobıl joldary komıtetine resmı tapsyrylady. Odan keıin zerthanalar «Obljolzerthanalaryna» ótkiziledi (Aqtóbe, Atyraý, Shyǵys Qazaqstan, Jambyl, Qaraǵandy, Qyzylorda jáne Pavlodar oblystary).

Óńirlerde zerthana kómegimen jalpy paıdalanymdaǵy avtojoldardyń jóndelýi men kútip ustalýynyń sapasyna baqylaý jasalady. Jyljymaly zerthanalar tapsyrylar kezde ony paıdalanatyn qyzmetkerler arnaıy oqytylady.

«Batys Eýropa-Batys Qytaı» halyqaralyq tranzıttik dálizin rekonstrýktsııalaý jobasy aıasynda «Almaty-Qorǵas» ýchaskesinde qurylys jumystary júrgizilýde.

Jumystar uzaqtyǵy 304 km bolatyn 8 ýchaskede júrgizilýde,  oǵan 4 merdigerlik kompanııa tartylǵan: «Dogýsh Inshat Ve Tıdjaret Anonım Shırketı» jáne «Gıýlsan Inshat Sanaıı Týrızm Nak Ve Tıdj» AQ, «Todini & Impregilo & Kazahdorstroı» BK (Italııa/Italııa/Qazaqstan), «Evrascon & MO-1» BK (Ázerbaıjan/Qazaqstan), OHL ZS (Chehııa).  Ýchaskelerdegi jumystar bıyl aıaqtalady.