«Batys Eýropa - Batys Qytaı» jobasyna monıtorıng júrgizýge úkimettik emes uıymdar tartylatyn boldy
«Batys Eýropa - Batys Qytaı» jobasyn basqarý jáne júzege asyrylýyn baqylaý jónindegi keńesshi kompanııalardyń, sondaı-aq jol merdigerlik uıymdardyń ókilderiniń qatysýymen jınalys ótkizdi.
Basqosý barysynda Ózara túsinistik pen yntymaqtastyq týraly Memorandým talqyǵa salyndy. Talqylaýdyń maqsaty «Batys Eýropa - Batys Qytaı» jobasyn júzege asyrý barysyn monıtorıngileýdiń eń ashyq úrdisin anyqtaý bolyp tabylady. Bul qujatqa úsh tarap qol qoıady: QR KKM Avtomobıl joldary komıteti, jobany basqarý jáne qurylys jumystaryn baqylaý jónindegi kompanııalar, «Azamattyq Quryltaı» qaýymdastyǵyna kiretin qazaqstandyq úkimettik emes uıymdar.
Memorandým sheńberinde Ashyqtyq pen turaqty damýdyń sarapshylyq keńesteriniń jelisi (ATDSK jelisi) qurylady. Ol áleýmettik-ekonomıkalyq, eńbek, ekologııalyq jáne sybaılas jemqorlyq jóninde jiberilgen zań buzýshylyqtardy anyqtaýdy, esepke alýdy jáne sheshimin tabýdy qamtamasyz etedi.
Monıtorıng jerlerdi satyp alý, qoǵamdyq shaǵymdar, qurylys jumystarynyń qorshaǵan ortaǵa áseri, qurylys jáne paıdalaný kezinde sýdy qorǵaý, sondaı-aq eńbek máseleleri sııaqty aspektilerge júrgiziledi.
Memorandým qurylys jumystary júrip jatqan Aqtóbe, Qyzylorda, Ońtústik Qazaqstan, Jambyl jáne Almaty oblystaryn qamtıtyn bolady.
ATDSK jelisiniń jumys organdarynyń quramyna avtomobıl joldary komıtetiniń, kompanııalar men memlekettik emes uıymdardyń, óńirlik ATDSK Astana qalasyndaǵy kópjaqty organy retindegi ulttyq ATDSK, sonymen birge azamattardyń jergilikti keńesteri enetin bolady.
Jınalysqa qatysýshylar memorandýmnyń jobasyn qoldady. Memorandýmǵa túzetýler engizilgennen keıin tıisti organdarǵa kelisimge joldanyp, qol qoıylatyn bolady.