«Batys Eýropa-Batys Qytaı» jobasy aıasynda Aqtóbe, Qyzylorda, Jambyl oblystarynda 14 529 adam eńbek etýde
15:13, 28 Maýsym 2010
; ALMATY. Maýsymnyń 28-i. QazAqparat /Erbol Azanbek/ - «Batys Eýropa-Batys Qytaı» jobasy boıynsha Aqtóbe, Qyzylorda, Jambyl oblystarynda jol qurylysy qyzý júrip jatqan ýchaskelerde 14 529 adam eńbek etýde.
Bul týraly «Batys Eýropa-Batys Qytaı» dálizi boıymen ótken baspasóz týry barysynda belgili boldy.
Bulardyń 285-i sheteldik azamattar bolsa, Qazaqstannyń ár aýmaǵynan 6410 adam, qalǵandary jergilikti azamattar. Esterińizge sala keteıik buǵan deıin QR Kólik jáne kommýnıkatsııa mınıstri Ábilǵazy Qusaıynov joba tolyq jumys isteı bastaǵan ýaqytta 50 myń adam jumyspen qamtylatynyn atap ótken bolatyn. Onyń aıtýynsha, joba boıynsha barlyq óńirde qurylys jumystarynyń qyzǵan shaǵy 2011 jyl bolady. Osy kezeńde jol qurylysy ýchaskelerinde 50 myńǵa jýyq adam eńbek etpek.