«Batys Eýropa - Batys Qytaı» avtojoly - bul biregeı joba - QR birinshi vıtse-premeri
Ol byltyr bastalǵan joba Memleket basshysy Nursultan Nazarbaevtyń turaqty qadaǵalaýynda ekendigin jáne búginde tutastaı alǵanda jumys belgilengen keste boıynsha júrip jatqandyǵyna kóz jetkizgendigin aıtty.
«Avtomagıstraldyń jalpy uzyndyǵy - segiz myńnan astam shaqyrym, bizdiń memleket aýmaǵy arqyly eki myń shaqyrymnan astam jol ótedi. Qurylys Qazaqstannyń bes oblysy aýmaǵynda belgilengen. Búgingi tańda Jambyl, Qyzylorda, Aqtóbe oblystarynda jumys tolyqtaı júrip jatyr. Shildeniń 1-nen bastap Ońtústik Qazaqstanda, odan keıin Almaty oblysynda jumys bastalady», - dep atap ótken Ó.Shókeev, 12 myń jumysshy men úsh myń tehnıka jumyldyrylyp otyrǵandyǵyn aıtty. Jumys qyzǵan qyrkúıek aıynda taǵy da 50 myń jumysshy men 10 myń dana tehnıka jumysqa qosylatynyn aıtty.
Birinshi vıtse-premer búkil avtotrassa boıy orasan zor qurylystyń júretindigin atap ótti. «Álemde buryn-sońdy bolmaǵan qurylys, - dedi Ó.Shókeev. - Bir kezderi 150 myń jumysshy jumyldyrylǵan 20 jylǵa sozylǵan úsh myń kılometrlik BAM salynǵan. «Batys Eýropa - Batys Qytaı» dálizin biz úsh jylda bitirip, birinshi dárejeli mártebemen tapsyrýymyz qajet», - dep atap ótti Ó.Shókeev.