«Batyrlardaı qarsy aldy»: Marokkolyqtar fýtbolshylaryna qurmet kórsetti

AMMAN.QazAqparat – Bıyl Marokko ulttyq quramasy Katardaǵy fýtboldan álem chempıonatynda Belgııa, Portýgalııa jáne Ispanııa sııaqty elıtalyq komandalardy jeńip, tórtinshi oryn aldy. «Atlas arystandaryn» marokkolyq jankúıerleri zor qoshemetpen qarsy aldy, dep habarlaıdy QazAqparat tilshisi.

Seısenbide fýtbolshylar otyrǵan ushaq el astanasy Rabat qalasyna qonǵannan keıin oıynshylar Marokko astanasynyń negizgi kóshelerimen avtobýspen júrip ótti.

«Atlas arystandary» degen atpen tanymal Marokko fýtbolshylary osy chempıonattyń eń sátti oıyn kórsetken oıynshylarynyń biri retinde tarıhqa endi.

Osy jolda «Atlas arystandary» álem chempıonatynyń jartylaı fınalyna shyqqan alǵashqy Afrıka jáne arab eli atandy. Fýtbolshylardyń chempıonattan oralýy jankúıerler úshin erekshe mereke boldy.

Sonymen qatar Marokko koroli VI Muhammed komandany saraıynda qabyldaǵan.

Marokkolyq BAQ-tyń habarlaýynsha, korol jáne murager hanzada Mýlaı Hasan ulttyq qurama oıynshylaryna, sondaı-aq komandanyń bas bapkeri Valıd Regragıge marapattar tapsyrǵan.

Foto : AlJazeera, @AchrafHakimi, @snakyhatun, @Le360fr