Batyrhan Shúkenov atyndaǵy qor ánshiniń jańa albomyn shyǵarmaq
11:20, 17 Mamyr 2017
ASTANA. QazAqparat - Almatyda 24 mamyr kúni Batyrhan Shúkenovtyń mereıtoıyna arnalǵan kontsert ótedi. Kontsertti Janar Duǵalova júrgizedi. Bul týraly Facebook-taǵy paraqshasynda «Batyrhan Shúkenov atyndaǵy qor» qoǵamdyq qorynyń dırektory Oljas Baıqanov jazdy.
Janar Duǵalova qazaqstandyqtardy Batyrhan Shúkenovtyń mereıtoıyna arnalǵan kontsertke shaqyrdy.
«Kontsert 24 mamyr kúni Almatydaǵy Respýblıka saraıynda ótedi. Sizder úshin Valerıı Meladze, Sevara Nazarhan sııaqty ózge de kóptegen tanymal ánshiler óner kórsetedi»,-dedi ánshi.
Uıymdastyrýshylardyń sózderinshe, bıletterdi satýdan túsken paıdanyń barlyǵy Batyrhan Shúkenovtyń jańa albomyn shyǵarýǵa jumsalady.
Aıta keteıik, 2015 jyldyń 29 sáýirinde Máskeýde 53 jasqa kelgen shaǵynda qazaqstandyq «A'Stýdıo» tobynyń sol ýaqyttaǵy ánshisi Batyrhan Shúkenov ómirden ótti.