Batyr Júkembaevtiń jekpe-jeginiń datasy resmı jarııalandy

NUR-SULTAN. QazAqparat – Birinshi jartylaı orta salmaqtaǵy qazaqstandyq boksshy Batyr Júkembaev (18-0, 14KO) kezekti jekpe-jegin pýertorıkandyq Sabrıel Matıasqa (16-1, 16KO) qarsy ótkizedi, dep habarlaıdy QazAqparat.

⠀

VKontakte áleýmettik jelisindegni «Qazaqstannyń kásipqoı boksy» paraqshasynda málim etilgendeı, kezdesý 29 mamyr kúni Showtime Championship Boxing boks keshi aıasynda ótedi. Keshtiń basty jekpe-jegi WBC-tiń asa jeńil salmaqtaǵy chempıony, frantsýz Nordın Ýbaalıdiń (17-0, 12KO) jáne Fılıppın ókili Nonıto Doneırdiń (40-6, 26KO) arasynda bolady.
Júkembaev – Matıas aıqasy Showtime telearnasynyń taıaý aılardaǵy translıatsııasynyń kestesine qosylǵan. Keshtiń naqty qaı jerde ótetini ázirge málimdelgen joq. Alaıda, ol Los-Andjeles bolýy múmkin.

Aıta keteıik, Batyr men Sabrıeldiń jekpe-jegi IBF-tiń «tórttik týrnıriniń» bir bóligi retinde josparlanýda. Onyń jeńimpazy birinshi jartylaı orta salmaq dıvızıonynyń álem chempıony ataǵy úshin mindetti úmitker tizimine engiziledi.

Eske salaıyq, bıylǵy aqpan aıynda Batyr Júkembaev «MTK Global» promoýterlik kompanııasymen kelsimshartqa qol qoıǵan bolatyn.

⠀