Batýttaǵy gımnastıkadan Álem Kýbogyna qatysatyn sportshylarymyz anyqtaldy

<p>ASTANA. KAZINFORM &mdash; Batýttaǵy gımnastıkadan Parıj Olımpıadasyna upaı jınaýǵa múmkindik beretin kezekti Álem Kýbogynda el namysyn qorǵaıtyn sportshylarymyz anyqtaldy.</p>

Sportty damytý dırektsııasynyń baspasóz qyzmeti málim etkendeı, Álem Kýbogy kezeńi 22-24 naýryz aralyǵynda Kotbýs (Germanııa) qalasynda ótpek.

Básekege Qazaqstan atynan Danıl Musabaev, Pırmammad Alıev, Roman Barkov, Erlan Tasmaǵambetov, Nıkıta Týmakov qatysady.

Aıta keteıik, 2024 jyly Álem Kýbogynyń alǵashqy kezeńi aqpan aıynda Ázerbaıjan elinde ótip, Qazaqstan quramasy (Danıl Musabaev pen Pırmammad Alıev) kúmis medal ıelengen bolatyn. 

Álem Kýbogynyń sheshýshi kezeńderi maýsym aıynda Shveıtsarııada jáne shildede Portýgalııada ótedi.