Batýmıde bógelgen týrısterdiń barlyǵy Qazaqstanǵa oraldy

ASTANA. QazAqparat - Grýzııada «bógelip» qalǵan barlyq 324 týrıst Qazaqstanǵa oraldy. Bul týraly Investıtsııalar jáne damý mınıstriniń keńesshisi Táńirbergen Berdońǵarov málim etti.

«Búgin tańǵy saǵat 3:45-te Batýmıde «bógelgen» qazaqstandyq týrısteri bar ushaq reısi  Astana áýejaıyna kelip qondy. Eske salaıyq, Grýzııada Skybus kompanııasynyń reısteri toqtatylýyna baılanysty qazaqstandyq týrıster qalyp qoıǵan bolatyn», - dep jazdy mınıstr keńesshisi Feısbýktegi paraqshasynda.

Onyń aıtýynsha, problema tikeleı mınıstrdiń aralasýymen jáne BekAir kompanııasynyń túsinistigi arqasynda oń sheshimin taýp otyr.

«Barlyǵy eki táýlik ishinde 324 adam shuǵyl tártippen elge jetkizildi. Degenmen, aldaǵy ýaqytta osyndaı oqıǵalar qaıtalanbas úshin sheteldegi týrısterdi qorǵaý jónnidegi júıeni júzege asyrý kerek. Olardyń turatyn ornyn, tamaǵy men keri qaıtý máseleleri durys sheshilýi tıis. Týroperatorlar qaýymdastyǵyna ótinish, bastalǵan jumysty jedeldetip, qatysý satysyna baılanysty konsensýs tabý kerek», - dep jazdy T.Berdońǵarov.

Eske sala ketsek, 26 tamyzda 300-den astam qazaqstandyq týrıst Batýmıden elge qaıta almaı qalǵan bolatyn.