Batysqazaqstandyq tatý kelinder uıymshyldyqpen daýys berýge keldi

<p>ORAL. KAZINFORM&nbsp;&mdash; Azamattyq mindetine úlken yjdaǵatpen kirisken turǵyndar erte ýaqytqa qaramastan, el&nbsp;erteńine óz daýystaryn berý arqyly atsalysty. Ult bolyp uıysyp, jurt bolyp jumylǵan aǵaıyn naýqanǵa beıjaı qaramaı jaýapkershilik tanytty.&nbsp;</p>

Solardyń arasynda Batys Qazaqstan oblysynyń ıAnaıkın aýylynda turatyn bir top jas kelinderi saılaý ýchaskesine kelip, óz tańdaýlaryn jasady.

Aralarynda kópbalaly analar, bilim, veterınarııa, elektr júıesi, memlekettik qyzmet, medıtsına, mádenıet jáne ózin-ózi jumyspen qamtý sııaqty ártúrli salalarda jumys isteıtin kelinder aýyzbirshilikpen óz tańdaýlaryn jasady. Kelinderdiń aq jaýlyqtary bastarynan túspegen. 

Olar «Abysyn tatý bolsa — as kóp» degen ustanymda. Al eldiń birligi «Otbasyndaǵy bereke men tatýlyqtan bastalady» deıdi. Búgingi aıtýly kúni eneleri bastap, abysyndy-kelinder saılaý ýchaskesine irgeleri ajyramaı, birge bardy.

Sonyń biri — A.Aımaǵambetova búginde aýyldyq ambýlatorııada eńbek etip júr. 

— Ár otbasyna jaryq kerek. Jaryqsyz myna ómirdiń mánin elestetý de múmkin emes. Sondyqtan anamyzdyń dana jolymen, dara jolymen bergen tálim-tárbıesimen osynaý mańyzdy naýqanda óz aýyzbirshiligimizben, syılastyǵymyzben el erteńi úshin daýys berdik, -deıdi A.Aımaǵambetova.

Aýyldaǵy jas kelinder bir-birimen tatý-tátti bolyp, otbasylyq qundylyqtardy dáripteı otyryp, qoǵamda úlgi bolyp otyr. Olar saılaýda daýys berý arqyly ózderiniń azamattyq quqyqtaryn paıdalanyp, eldiń bolashaǵyna jaýapkershilikpen qaraıtynyn kórsetti.

Osylaısha aýylda tatý-tátti otbasy, bereke men birliktiń bolýynda árqaısysynyń úlesi men róli mańyzdy. Tek yntymaqpen ǵana as kóp, bereke mol bolady.