ORAL. KAZINFORM — Batys Qazaqstan oblysynda respýblıkalyq mańyzy bar Podstepnyı-Terekti-RF shekarasy (0-36 km) avtojolyn qaıta qurý jumystary jalǵasýda.
«QazAvtoJol» UK» AQ BQO fılıalynan málim etkenindeı, atalmysh joba aıasynda qurylys-montaj jumystaryn júrgizip jatqan merdiger mekeme «Kazkomservıs» JShS qurylystyń negizgi kezeńine kirisedi.
Foto: «QazAvtoJol» UK» AQ BQO fılıaly— Osy sebepten 12 aqpannan bastap qurylys ýaqytynda Aqtóbe-Oral-RF shekarasy («Syrym» ótkizý beketi) jolynyń 262 shaqyrymyndaǵy bóligi, atap aıtqanda, trassanyń Atyraýǵa qaraı burylatyn tusy jabylady. Kólik qozǵalysy ýaqytsha aınalma jolmen uıymdastyrylatyn bolady, — dep habarlady vedomstvodan.
Aqtóbe-Oral jolynyń atalǵan bóligi Terekti aýdany Podstepnyı aýyly mańynda, Oral qalasyna qarasty Zachagan kentine qaraı burylar tusta ornalasqan.
Foto: «QazAvtoJol» UK» AQ BQO fılıalyEske sala keteıik, budan buryn Batys Qazaqstanda jol salýda qandaı baǵyttarǵa basymdyq beriletinin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).