Batys Qazaqstanda jol apatynan júrgizýshi qaza tapty

<p>ORAL. KAZINFORM &ndash; Batys Qazaqstan oblysy Bókeı ordasy aýdanynda jol-kólik oqıǵasy boldy.</p>

BQO Polıtsııa departamentiniń baspasóz qyzmetinen málim etkenindeı, oqıǵa 1 jeltoqsan kúni keshkisin Ónege-Bısen-Saıqyn jolynyń 80-shaqyrymynda boldy.

- Shamamen saǵat 18.58-de júrgizýshi rýlge ıe bola almaı, «VAZ-21010» avtokóliginiń aýdarylýyna jol bergen. Saldarynan ózi oqıǵa ornynda kóz jumdy. Osy kólikte otyrǵan ekinshi er adam túrli jaraqatpen aýdandyq aýrýhanaǵa jetkizildi. Qazirgi kezde sotqa deıingi tergeý amaldary júrgizilýde. Saraptamalar taǵaıyndaldy, - dep habarlady vedomstvodan.

Bókeı ordasy aýdandyq aýrýhanasy dárigerleriniń sózine qaraǵanda, er adamnyń synyq jaraqaty joq, bet, qoldarynyń terisi sydyrylǵan. Ambýlatorııalyq em alýǵa jiberildi.

Eske sala keteıik, budan buryn Oralda mas kúıinde aıaldamanyń terezesin syndyrǵan er adamnyń ustalǵanyn jazǵan bolatynbyz.