Batys Qazaqstanda jol apatynan tórt adam kóz jumdy

<p>ORAL. KAZINFORM — Batys Qazaqstan oblysynda jol-kólik oqıǵasynan tórt adam mert boldy.</p>

BQO polıtsııa departamentiniń baspasóz qyzmetinen málim etkendeı, oqıǵa 22 maýsym kúni tańmen Samara-Shymkent jolynda Qaratóbe aýdany Qoskól aýyly tusynda bolǵan. 

«43 jastaǵy júrgizýshi „Lada Prıora“ avtokóligimen qarsy betke shyǵyp ketken. Sonyń saldarynan 44 jastaǵy júrgizýshi aıdap kele jatqan „Mazda“ avtokóligimen soqtyǵysqan. Jol apatynan eki kóliktiń júrgizýshisi men eki jolaýshy oqıǵa ornynda qaza tapty. Taǵy eki jolaýshy aýyr dene jaraqatyn aldy. Atalmysh derek QR QK 345-baby 4-bóligine (abaısyzda eki nemese odan da kóp adamnyń ólimine ákep soqqan jol erejesin buzý) sáıkes sotqa deıingi tergep-tekserýdiń biryńǵaı tizilimine tirkeldi. Tergeý amaldary júrgizilýde», dep habarlady vedomstvodan. 

Foto: BQO polıtsııa departamenti

BQO TJ departamentiniń baspasóz qyzmeti oqıǵa ornyna qutqarýshylardyń da barǵanyn jetkizdi.

Eske sala keteıik, budan buryn BQO-da ınternet-alaıaqtar keltirgen zalal 211 mln teńgeden asyp otyrǵanyn jazǵan bolatynbyz.