Batys Qazaqstanda jol apatynan eki adam kóz jumdy

<p>Batys Qazaqstan oblysynda jol apatynan eki adam kóz jumdy, dep habarlaıdy Kazinform.</p>

BQO polıtsııa departamenti baspasóz qyzmetinen túsken málimetke qaraǵanda, oqıǵa 8 jeltoqsan kúni Oral-Atyraý jolynda boldy.

"Atyraý qalasynan kele jatqan "Toyota Ipsum" avtokóliginiń 23 jastaǵy júrgizýshisi jyldamdyqty asyryp, "Qaýipti burylys" belgisi talaptaryn saqtamaǵan. Sóıtip dóńgelegi jarylyp, ony aýystyrýǵa toqtaǵan "Opel" avtokóligimen soqtyǵysqan. Saldarynan avtokólik janynda turǵan eki er adam (júrgizýshi men jolaýshy) oqıǵa ornynda qaza tapty. Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde. BQO polıtsııa departamenti júrgizýshilerge jol erejesin qatań saqtap, muqııat bolý kerektigin eske salady", - dep habarlady vedomstvodan.

Eske sala keteıik, budan buryn BQO-da jol apatynan úsh adamnyń qaza tapqanyn jazǵan bolatynbyz.

Sondaı-aq, mekteptegi býllıngke baılanysty Oralda birneshe pedagog pen ata-analar jaýapqa tartyldy.