Batys Qazaqstanda joǵalyp ketken 700 qoı túgel tabyldy

<p>Batys Qazaqstan oblysynda joǵalyp ketken 700 bas qoı túgel tabyldy, dep habarlaıdy <a href="Kazinform" target="_blank" rel="noopener">Kazinform</a>.</p>

BQO polıtsııa departamenti baspasóz qyzmetinen túsken málimetke qaraǵanda, oqıǵa Kaztalov aýdany Birik aýyldyq okrýginde boldy.

"Qarashanyń 21-inen 22-sine qaraǵan túni "Leker" qystaǵynyń turǵynyna tıesil 700 bas qoı qaraýsyz qalyp, joǵalyp ketken. Habar jetken boıda Kaztalov aýdany polıtsııa bólimi jergilikti polıtsııa qyzmeti bólimshesi ýchaskelik polıtsııa ınspektorynyń kómekshisi, polıtsııa aǵa leıtenanty Nursultan Serik jedel izdestirý is-sharalaryn uıymdastyrdy. Maldy ıesimen birge izdeýge shyqty. Sonyń nátıjesinde 22 qarasha kúni saǵat 16.05 shamasynda qoıdy túgel taýyp, ıesine aıdap ákelip berdi. Atalǵan turǵyn malynyń der kezinde tabylýyna járdemdesken saqshyǵa alǵysyn bildirdi", dep habarlady vedomstvodan.

Departamentten málim etkenindeı, oblys aýmaǵynda 27-29 qarasha aralyǵynda "Mal urlyǵy" jedel aldyn alý is-sharasy ótkizilýde. Osy is-shara barysynda 2 mal urlyǵy tirkelip, ekeýi de ashyldy. Sondaı-aq buryn jasalǵan 2 qylmys ashyldy. BQO polıtsııa departamenti turǵyndarǵa maldy qaraýsyz qaldyrmaý kerektigin eske salady.

Eske sala keteıik, budan buryn Oralda muǵalimniń oqýshyǵa qol kóterý deregi boıynsha tekserý júrgizilip jatqanyn jazǵan bolatynbyz.

Sondaı-aq Oralda avtokólik qaǵyp ketken er adam kóz jumdy.