Batys Qazaqstanda Jaıyq ózenindegi sý deńgeıi Taıpaq aýylynda 929 santımetrge jetti

<p>ORAL. KAZINFORM &ndash; Batys Qazaqstan oblysynda Jaıyq ózenindegi sý deńgeıi Aqjaıyq aýdany Taıpaq aýyly tusynda 929 (qaýipti shegi &ndash; 850 sm) santımetrge jetti.</p>

«Qazgıdromet» RMK BQO fılıalynyń 6 mamyr kúngi saǵat 08.00-degi málimetine sáıkes atalǵan gıdrobekette sý deńgeıi bir táýlikte 30 santımetrge kóterildi.

Jaıyq sýy Aqjaıyq aýdanynyń aýmaǵy arqyly Atyraýǵa qaraı ótip jatyr.

Esesine Jaıyq ózeniniń basqa gıdrobeketterinde sý deńgeıi túsip keledi. Báıterek aýdany ıAnvartsev aýylynda qazirgi kezde 796 (-4, qaýipti shegi – 1 250 sm), Oral qalasynda 786 (-6, 850 sm), Kóshimde 809 (-4, 850 sm) santımetrdi kórsetti. 

Sondaı-aq Kóshim kanalynda 4 santımetrge (753 sm, qaýipti shegi – 800 sm) tómendedi.

Eske sala keteıik, budan buryn Batys Qazaqstanda Jaıyq sýy eń joǵary deńgeıge kóterilgenin jazǵan bolatynbyz.