Batys Qazaqstanda úshem dúnıege keldi

<p>Batys Qazaqstan oblysynda úshem dúnıege keldi, dep habarlaıdy Kazinform.</p>

Shyńǵyrlaý aýdanynyń turǵyny, 36 jastaǵy Janna Kenjebaeva Oral qalasyndaǵy oblystyq perınataldyq ortalyqta úsh qyz tapty.

Atalmysh ortalyqtyń dırektory Janna Dilmanova Respýblıka kúni qarsańynda qýanyshty oqıǵa tirkelgendigin jetkizdi.

Qazirgi ýaqytta Janna men onyń úsh qyzynyń jaǵdaılary birqalypty, jaqsy. Juldyzdyń salmaǵy 2260 gramm, Aıym – 2700 gramm, Ańsaǵan –1950 gramm.

«Shaqalaqtar eki apta boıy perınataldyq ortalyqta dárigerlerdiń baqylaýynda boldy. Búgin anasymen birge úıine shyǵaryp jatyrmyz», - dedi J.Dilmanova.

Erli-zaıypty Baqytjan Nurmuhanov pen Janar Kenjebaevanyń úshemnen basqa tárbıelep otyrǵan 4 balasy bar. Osylaısha, olar birden 7 balanyń ata-anasy atanyp otyr.

Jas ananyń sábılerimen birge aýrýhanadan shyǵýyna baılanysty BQO densaýlyq saqtaý basqarmasy men Shyńǵyrlaý aýdany ákimdiginiń ókilderi quttyqtap, izgi tilekterin bildirdi.

Aıta keteıik, bul – oblysta bıylǵy ekinshi úshem.