Batys Qazaqstanda úsh avtokólik soqtyǵysyp, 5 adam zardap shekti

<p>ORAL. KAZINFORM &mdash; Batys Qazaqstan oblysynda 3 avtokólik soqtyǵysyp, bes adam jaraqat aldy.</p>

BQO polıtsııa departamentiniń baspasóz qyzmetinen málim etkenindeı, oqıǵa 19 naýryz kúni Bórli aýdany aýmaǵynda boldy.

Bórli-Aqsaı jolynda Pýgachev aýyly tusynda «BMV», «Lada Granta» jáne «Shkoda» avtokólikteri túıisti. 

Qazirgi kezde oqıǵanyń mán-jaıy anyqtalý ústinde.

BQO densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 08.45-te shaqyrtyldy. 

«Saǵat 09.50-de Bórli aýdandyq aýrýhanasyna 5 adam jetkizildi. Sonyń ishinde 1993 jylǵy kelinshek jaraqat alǵan. Júktiligine 28 apta bolǵan. Jansaqtaý bóliminde, jaǵdaıy aýyr. Hırýrgııa bólimshesine jatqyzylǵan 1984 jylǵy er adamnyń jaǵdaıy ortasha aýyr. 1980 jáne 1989 jylǵy er adamdarǵa, 1989 jylǵy áıelge ambýlatorlyq em taǵaıyndaldy» dep habarlady vedomstvodan.

Eske sala keteıik, budan buryn Batys Qazaqstanda jol apatynan 6 adam zardap shegip, bireýi kóz jumǵanyn jazǵan bolatynbyz.