Batys Qazaqstanda suıytylǵan gaz tapshylyǵy týyndady
Oral qalasynda avtogaz quıý stantsııalarynyń birqatarynda kezek bolsa, keıbireýlerinde gaz múldem joq.
BQO energetıka jáne turǵyn úı-kommýnaldyq sharýashylyq basqarmasynyń basshysy Mıras Múlkáıdiń Kazinform tilshisine málim etkenindeı, mundaı jaǵdaı Atyraý oblysyndaǵy sý tasqynyna baılanysty qalyptasyp otyr.
Mıras Rústemulynyń sózine qaraǵanda, respýblıkalyq mańyzy bar Oral-Atyraý jolynyń bir bóligin sý shaıyp ketýine baılanysty tikeleı kólik qatynasy joq.
«Qazirgi ýaqytta suıytylǵan munaı gaz Aqtóbe arqyly tasymaldanýda, bul kóp ýaqytty alady. Josparǵa sáıkes maýsym aıynda Atyraý munaı óńdeý zaýytynan — 1 722, „Jaıyqmunaı“ JShS-dan 1 320 tonna suıytylǵan gaz bólindi. Sonymen qatar „SNPS-Aqtóbemunaıgaz“ AQ-dan maýsym aıyna qosymsha 1 188 tonna bólindi. Jetkizýdegi qıyndyqtarǵa baılanysty birqatar avtogaz quıý stansalary shekteýlerge kóshti. Oblystaǵy jaǵdaıdy 2 kún ishinde turaqtandyrý josparlanýda», -dedi basqarma basshysy.