Batys Qazaqstanda sýmen qamtý júıelerinde sáıkessizdikter anyqtaldy

<p>ORAL. KAZINFORM &ndash; Batys Qazaqstan oblysynda Qazaqstan Respýblıkasy 2020 jylǵy 7 shildedegi № 360-VI QRZ &laquo;Halyq densaýlyǵy jáne densaýlyq saqtaý júıesi týraly&raquo; Kodeksiniń 114-babyna sáıkes qorshaǵan orta nysandaryna qatysty sanıtarlyq-epıdemıologııalyq monıtorıng jumystary júrgizilip keledi.</p>

BQO sanıtarııalyq-epıdemıologııalyq baqylaý departamenti basshysynyń orynbasary Gúldana Kereevanyń óńirlik kommýnıkatsııalar qyzmeti alańynda ótken brıfıngide málim etkenindeı, atalmysh monıtorıng aıasynda syrtqy qorshaǵan ortadan (sý, topyraq, atmosferalyq aýa) synamalardy irikteý toqsanyna keminde bir ret atqarylady.

Onyń sózine qaraǵanda, oblys boıynsha sýmen jabdyqtaý boıynsha baqylaý núkteleriniń barlyǵy – 469.

«Bıylǵy toǵyz aıda ortalyqtandyrylǵan sýmen jabdyqtaý júıeleri boıynsha 3 210 synama sanıtarlyq-hımııalyq kórsetkishterge zerttelse, sonyń 215-i sáıkes kelmegen, bul – 6,7 paıyz. Sáıkessizdikter Aqjaıyq, Bórli, Báıterek, Kaztalov, Qaratóbe, Syrym, Tasqala, Terekti, Shyńǵyrlaý aýdandarynda anyqtaldy», - deıdi G. Kereeva. 

Onyń aıtýynsha, mıkrobıologııalyq kórsetkishter boıynsha zerttelgen 3 360 synamanyń 104-i (3,1 paıyzy) talapqa saı bolmaǵan. Mundaı sáıkessizdikter Aqjaıyq, Bórli, Jańaqala, Jánibek, Báıterek, Kaztalov, Syrym, Tasqala, Terekti, Shyńǵyrlaý aýdandaryna qosa Oral qalasynda belgili boldy.

Sol sekildi ortalyqtandyrylmaǵan sýmen jabdyqtaý júıeleri boıynsha alynǵan 296 synamanyń 36-sy (Kaztalov, Qaratóbe, Syrym, Tasqala, Terekti) sanıtarlyq-hımııalyq kórsetkishterge saı bolmaı shyqty. Oǵan qosa 378 synamanyń 35-i (Jańaqala, Báıterek, Kaztalov, Qaratóbe, Syrym, Tasqala, Terekti) sanıtarlyq-mıkrobıologııalyq kórsetkishterge sáıkes kelmegen.

«Sáıkes kelmeıtin synamalar boıynsha sharýashylyq júrgizýshi sýbektige sýmen jabdyqtaý nysandaryn tazalaý, jýý jáne dezınfektsııalaý qajettigi týraly hattar jiberildi», - dedi G.Kereeva.

Departament basshysynyń orynbasary keltirgen málimetke qaraǵanda, oblys boıynsha atmosferalyq aýa synamalaryn alatyn baqylaý núkteleriniń sany – 719. Toǵyz aıda atmosferalyq aýanyń jaı-kúıine monıtorıng júrgizý úshin 31 482 synama alynyp, sonyń 60-ynda (shań – 18 synama, kúkirtti sýtek – 6, kómirtegi oksıdi – 15, kúıe – 21) shekti ruqsat etilgen kontsentratsııadan aýytqý baıqaldy. 

Eske sala keteıik, budan buryn Batys Qazaqstanda 2 myńǵa jýyq adamnyń ıt pen mysyqtan zardap shekkenin jazǵan bolatynbyz.