Batys Qazaqstanda sýdan alynǵan synamalar sáıkessizdik bar ekenin kórsetti

<p>ASTANA. KAZINFORM &ndash; Batys Qazaqstan oblysynda ótken jyly ortalyqtandyrylǵan sýmen jabdyqtaý júıesi boıynsha sanıtarlyq-hımııalyq kórsetkishterge 4 137 synama alyp, zerttelgen.</p>

BQO Sanıtarııalyq-epıdemıologııalyq baqylaý departamenti basshysynyń orynbasary Gúldana Kereevanyń óńirlik kommýnıkatsııalar qyzmeti alańynda ótken brıfıngide málimdegenindeı, sonyń 6,2 paıyzy nemese 257-si talapqa saı kelmegen.

Onyń sózine qaraǵanda, sáıkessizdikter Aqjaıyq, Bórli, Báıterek, Kaztalov, Qaratóbe, Syrym, Tasqala, Terekti, Shyńǵyrlaý aýdandaryna tán bolyp shyqty.

- Sonymen qatar mıkrobıologııalyq kórsetkishterge oblys boıynsha 4 337 synama zerttelip, sonyń 135-i nemese 3,1 paıyzy sáıkes kelmedi. Mundaı kemshilik Bókeı ordasynan basqa barlyq aýdan men Oral qalasynda anyqtaldy. Ortalyqtandyrylmaǵan sýmen jabdyqtaý júıesi boıynsha 360 synamanyń 45-i (Aqjaıyq, Kaztalov, Qaratóbe, Syrym, Tasqala, Terekti aýdandarynd) talapqa saı bolmady. Sol sekildi sanıtarlyq-mıkrobıologııalyq kórsetkishterge 425 synama zerttelip, 41-inen (Jańaqala, Báıterek, Kaztalov, Qaratóbe, Syrym, Tasqala, Terekti aýdany) sáıkessizdik tabyldy. Sáıkessizdik anyqtalǵan barlyq sý qubyrlarynda jýý jáne dezınfektsııa jumystary júrgizildi, - dedi G.Kereeva.

Departament málimetinshe, oǵan qosa sanıtarııalyq-epıdemıologııalyq monıtorıng kezinde 389 baqylaý núktesinen 42 508 atmosferalyq aýa synamasy alynyp, sonyń 63-i tórt kórsetkish – shań, kúıe, kómirtegi totyǵy, kúkirtti sýtek boıynsha gıgıenalyq normatıvterge saı bolmaı shyqqan.

Eske sala keteıik, budan buryn Batys Qazaqstanda sýmen qamtý júıelerinde sáıkessizdikter anyqtalǵanyn jazǵan bolatynbyz.