Batys Qazaqstanda sý tasqynynan keıin dezınfektsııalaý jumystary tolyqtaı atqaryldy

<p>ORAL. KAZINFORM - Batys Qazaqstan oblysynda sý tasqynynan zardap shekken Báıterek, Bórli, Qaratóbe, Syrym, Terekti aýdandarynda jáne Oral qalasyndaǵy saıajaı aýmaqtarynda dezınfektsııalaý jumystary tolyqtaı atqaryldy.</p>

BQO ákimdiginen málim etkenindeı, nátıjesinde sý basqan 7 myńǵa jýyq nysanǵa, sonyń ishinde turǵyn úılerge, áleýmettik nysandarǵa, sý qubyrlaryna dezınfektsııa júrgizildi.

«Keıin sý qubyrlarynan aýyz sýdyń sapasy men qaýipsizdigine zerthanalyq baqylaý júrgizildi. Nátıjeler normatıvke sáıkes keldi. Dezınfektsııa jumystaryn atqarýǵa tótenshe jaǵdaı qyzmetkerlerimen qatar Jambyl jáne Aqtóbe oblysynan kelgen áskerı mamandar kómektesti», dep habarlady vedomstvodan.

Eske sala keteıik, budan buryn BQO-da sý tasqynynan egistikke kelgen zalaldyń 261 mln teńgeden asqanyn jazǵan bolatynbyz.